This website is currently in test mode. Some features may be unavailable or not function as expected.
News
News
|
22/01/2022
Print
(O`zbek) YANGI DAVR ADABIYOTLARINI YARATISH DAVR TALABI

YANGI DAVR ADABIYOTLARINI YARATISH DAVR TALABI

O‘zbekiston ta’limi yangi davrga kirib keldi. 2020-2021 o‘quv yilida eksperiment sifatida kredit-modul ta’limi respublikaning ba’zi oliy o‘quv yurtlarida amalga oshirildi. 2021-2022 o‘quv yilida esa barcha oliy o‘quv yurtlari ta’limning kredit-modul tizimiga o‘tdi. Yetuk mutaxassislar tomonidan kredit-modul ta’limining nazariy va amaliy asoslari ishlab chiqildi. Jamiyatning sohalar bo‘yicha bilimdon, malakali kadrlarga bo‘lgan ehtiyoji muammolari, o‘ylaymiz-ki, yaqin yillarda o‘zining ijobiy yechimini topsa, ajab emas.
Bugungi kunda oliy ta’limga kredit-modul tizimini joriy etish, fan sohasini nazariy va amaliy jihatdan o‘rganish va o‘zlashtirish uchun talabalar mustaqil ta’lim shakllarini rivojlantirish, amaliyotga tadbiq etish birinchi navbatda fan o‘qituvchisidan yuksak bilim, ijodiy yondashuv, professional malakani taqozo etadi. Demak-ki, kredit-modul ta’limni amalga oshirish uchun yangi o‘quv adabiyotlarini ham yaratish lozim bo‘ladi.
Shu ma’noda rus adabiyoti va uni o‘qitish metodikasi kafedrasi professori v.b. filologiya fanlari doktori Zulfiya Jo‘raevna Pardaeva tomonidan rus tili va adabiyoti yo‘nalishi talabalari uchun kredit-modul ta’limi talablari asosida tayyorlangan “Osnovi literaturovedeniya” fanidan elektron o‘quv qo‘llanmada har bir mavzu yuzasidan reja, tayanch so‘z va iboralar, glossariy, savol va topshiriqlar, bahs uchun aniq manbalar, taqdimotlar tayyorlangan va taqdim etilgan.
Talabalar elektron qo‘llanmadan foydalanish uchun “Google play” do‘konidan qidiruv oynasiga “Osnovi literaturovedeniya” fan nomini yozishi yoki quyidagi https://play.google.com/store/apps/details?id=uz.creators.funtliterary.funtliterary havola orqali o‘tib ilovani o‘rnatib ishga tushirishlari mumkin. O‘quv qo‘llanma ochilganda talabaga asosiy oynada “Kategoriyalar” oynasi ochilib, unda “Leksiyalar”, “Seminarlar”, “Glossariylar”, “Prezentatsiyalar” kategoriyalar mavjud bo‘lib, ulardan birini tanlab keltirilgan ma’lumotlardan o‘qib o‘rganishi mumkin bo‘ladi.
Ko‘rsatib o‘tish joiz, elektron qo‘llanmada yo‘nalish bo‘yicha o‘quv reja, fan bo‘yicha o‘quv dastur taqdim etilgan. Har bir mavzu yuzasidan internet manbalar adreslari va havolalari keltirilgan.
“Osnovi literaturovedeniya” elektron o‘quv qo‘llanmasi kredit-modul tizimida talabalar mustaqil ta’limini tashkil qilishga asoslangan.


To share:
1,931
Popular in other categories

A discussion of the dissertation was held.
On June 30, 2025, at 2:00 PM, a discussion of the dissertation by third-year doctoral student Safiya Tohirovna Qalandarova was held in the conference hall...
New Steps Toward Future Goals! Graduation ceremonies are ongoing at Jizzakh State Pedagogical University.
Today, the diploma awarding ceremony at the Faculty of Primary Education was held in a festive and joyful atmosphere.
Eighty children of professors and teachers from Jizzakh State Pedagogical University enjoyed a meaningful and enriching summer vacation at recreational camps!
As part of the trips organized by the Trade Union of Jizzakh State Pedagogical University, 80 children enjoyed a joyful and meaningful summer vacation at...