“Bo‘sh ish o‘rinlari”  mehnat yarmarkasida  80 nafar talaba ish bilan ta’minlandi.

Talabalrning ishlab daromad topishi va ularning bandligini ta’minlash, ishlash istagida bo‘lganlar uchun qo‘shimcha imkoniyatlar yaratish,  yurtimizdagi  har bir  OTM larining muhim  vazifalaridan biriga aylandi desak xato qilmagan bo‘lamiz. Bugun har bir oliygohda bo‘sh ish o‘rinlarini yaratish, talabalarni ishga joylashtirish maqsadida turli mehnat yarmarkalari tashkil etilmoqda. Boshqarma va tashkilotlar bilan memorandumlar imzolanib imkon darajasida talabalarga bu borada yengillik yaratilmoqda. Xabaringiz bor yaqindagina  Jizzax davlat pedagogika instituti “Talaba ishga joylashadi” shiori ostida mehnat yarmarkasini tashkil etgan edi. Mehnat yarmarkalari natijalariga ko‘ra 100 ga yaqin talaba yoshlar  o‘zlari ma’qul deb topgan tashkilotlar bilan uch  tomonlama  mehnat shartnomalarini imzolashga muvaffaq bo‘lishgan edi.  So‘rovnomalar asosida 8 mingga yaqin ishlashaga ehtiyoji bor talaba ishtirok etgan mehnat yarmarkasida institutning Maktabgacha ta’lim fakulteti ishlash istagini bildrigan talabalarni  bandligini ta’minlash maqsadida Jizzax viloyati Maktabgacha ta’lim boshqarmasi bilan hamkorlik memorandumini imzolagan edi. Bugun ana shu memorandumning ilk mevasi sifatida “Men ishlashni istayman” shiori ostida navbatdagi mehnat yarmarkasi tashkil etildi. Ushbu yarmarkaga Maktabgacha ta’lim boshqarmasi tassarufidagi barcha tumanlardan Maktabagacha ta’lim bo‘limlari 100 ta bo‘sh ish o‘rinlari bilan ishtirok etishdi.   Tadbirni Yoshlar msasalasi va ma’naviy-ma’rifiy ishlar bo‘yicha  birinchi prorektor S.Nazarqosimov ochib berdi.U o‘z so‘zida davlat rahbari Sh.M.Mirziyoev boshchiligidagi  4 mart kuni o‘tkazilgan videoselektor yig‘ilishida berilgan vazifalar ijrosini ta’minlash yuzasidan bir qator ishlar amalga oshirilganligini ta’kidladi. Shuningdek  talaba-yoshlar bandligini ta’minlash yuzasidan yaratilayotgan shart-sharoitlar, bugungi bo‘sh ish o‘rinlari yarmarkasida ular o‘zlariga mos ishga joylashib, o‘z bandligini ta’minlashini aytib o‘tdi. -bugungi yarmarka natijalaridan mamnunman. Men Jizzax davlat pedagogika institutining Maktabgacha ta’lim fakulteti 3 kurs talbasi Iroda Abdug‘anieva bo‘laman. O‘zim Forish tumanida istiqomat qilaman. Hozir Forish tumanidagi 7 sonli maktabgacha ta’lim muassasiga uslubchi sifatida  ishga joylashishshga muvaffaq bo‘ldim. Bu men uchun juda ajoyib yangilik bo‘ldi. Bunday yarmarkalar tez-tez o‘tkazilishi biz talabalar uchun faqatgina yaxshi ish o‘rinilarini  topishga imkoniyat yaratadi,- deydi Iroda Abdug‘anieva Shoxsanam Nurboboeva ham institutning Maktabgacha ta’lim fakultetida tahsil oladi. Uning ham ish o‘rniga ehtiyoji bor. Buguni u ham  orzusiga erishdi. Shoxsanam o‘zi uchun har tomonlama  qulay bo‘lgan Zafarobod tumanidagi maktabgacha ta’lim muassalaridan biriga tarbiyachi bo‘lib ishga joylashdi. Ayni paytda u uch tomonlama mehnat shartnomasini imzolamoqda. Yarmarkada   Maktabgacha ta’lim fakulteti Maktabgacha ta’lim, Maktabgacha va boshlang‘ich ta’limda xorijiy tillar, Maktabgacha va boshlang‘ich ta’limda jismoniy tarbiya yo‘nalishlaridan 400 dan ortiq hamda Musiqiy ta’lim fakultetidan 100 dan ortiq talabalar ishtirok etishdi. Talabalaringng  bo‘sh ish o‘rinlar topishda turli sarsongarchilikka uchramasligi maqsadida tashkil etilgan mehnat yarmarkasida jami 80 ta shartnomalar imzolandi, 20 dan ortiq og‘zaki kelishuvlarga erishildi.