Tadbirni institut rektori A. Xolbekov kirish so‘zi bilan ochib berdi. A. Xolbekov o‘z so‘zini boshlar ekan, avvalo tinchlik va totuvlik, vatanimiz obodligi to‘g‘risida gapirdi. Bugun dunyoda ro‘y berayotgan o‘zgarishlar, insonlarning, ayniqsa yoshlarning internet salohiyati qay darajada ekanligi, undan qanday maqsadlarda foydalanayotganligi to‘g‘risida gapirib o‘tdi. Internetning yaxshi bir kashfiyotligini va bu kashfiyotdan to‘g‘ri maqsadlarda foydalanish zarurligini ta’kidladi.Bugungi kunni bu kashfiyotsiz tasavvur qilib bo‘lmaydi. Lekin biz faqat internetdangina ma’lumot olib qolmasdan, ma’naviy boyligimiz bo‘lgan kitoblarni ham o‘qib-o‘rganib, mutolaa qilib bilim saviyamizni oshirishimiz zarur. Biz institutda har bir talaba bir yil davomida o‘nta kitob o‘qishi lozimligini vazifa qilib qo‘ydik. Biz o‘z Vatanimizning fidoiylari, yurtimizni sevishni, uni ko‘z qorachig‘idek asrashni muqaddas bilib, har qarich yeri, tuprog‘ini avaylab saqlash, tinchligi barqarorligi uchun kurashishni qalb amrimiz, yuragimiz da’vati deb bilamiz deya ta’kidladi.
Shundan so‘ng Davlat xavfsizlik xizmati viloyat boshqarmasi xodimi N.Abdurahmonovga so‘z berildi. N.Abdurahmonov: Tinchlik eng oliy ne’matdir. Yurtimizda amalga oshirilayotgan islohotlarning amalga oshirilishida tinchlikning muhim ekanligini, tinchlikni saqlashda davlat tomonidan juda katta mablag‘lar ajratilishini aytib o‘tdi. Diniy ekstremizm va fundamentalizm, aqidaparastlik va missionerlikning kelib chiqishi, manbalari, hozirda ba’zi davlatlarda avj olib borayotganligi, asosan bu illatlarga yoshlarning jalb qilinayotganligini aniq misollar asosida aytib o‘tdi. Turli davlatlarda turli xil xunrezliklar bo‘lmoqda. Har bir yosh yigit-qizlarimiz vatanparvarlik ruhida har tomonlama mustaqil fikrlay oladigan yuksak ma’naviyatli barkamol avlod etib tarbiyalanishi, xalq va Vatan taqdiriga daxldorlik tuyg‘usini, shuningdek axborot xurujlariga qarshi immunitetni yanada oshirish, dunyo va mamlakat miqyosidagi siyosiy jarayonlarga mustaqil va ongli munosabatini, yuksak insoniy fazilatlarni shakllantirish, Vatanni ko‘z qorachig‘iday asrash, uni himoya qilish, tinch va osoyishta hayotimizni ta’minlash har birimizning insoniy burchimiz ekanligini bilishimiz lozim. Bizning asosiy maqsadimiz mana shu aziz yurt, tuproq, musaffo osmon bizniki deb yurtimizni himoya qilishimiz zarur deya o‘z so‘zini yakunladi.
Jizzax viloyat prokuraturasi xodimi Z.Eshimov mamlakatimizda juda ko‘p qarorlar, farmonlar chiqarilmoqda. Yoshlar o‘rtasida turli xil huquqbuzarliklarning oldini olishda quyidagi jihatlarga e’tibor qaratish lozimligini aytib o‘tdi. Bularga misol qilib ishsizlik, bekorchilik, biror sport yoki fan to‘garagiga qatnashmaslik bunday salbiy holatlarga olib kelishini ta’kidlab o‘tdi. Hozirgi kunda O‘zbekiston aholisining soni 33 mln.dan oshgan bo‘lib, ular 130 dan ziyod millatga mansub hisoblanadi. Fuqarolarning 94 % dan ziyodi islom diniga e’tiqod qiladi. 3,5 % ga yaqin fuqarolar provaslav diniga mansub bo‘lib, qolganlarini boshqa konfessiya vakillarini tashkil etadi. Hech shubhasiz, yurtimizda turli sohalarda erishilayotgan barcha ulkan yutuqlarimizning zamirida jamiyatimizda hukm surayotgan tinchlik va osoyishtalik hisoblanadi. Hammamizning maqsadimiz shuki yoshlarimiz baxtli, dono, aqlli bo‘lsin. Mustaqillikka erishganimizdan so‘ng har bir soha uchun imkoniyatlar eshigi keng ochildi. Bizning yoshlar bu imkoniyatlardan to‘g‘ri maqsadda foydalana bilishimiz lozim.
Keyingi so‘z navbati Jizzax shahar Usmon xoji jome’ masjidi imom xatibi A.G‘oyipovga berildi. A.G‘oyipov o‘z ma’ruzasida mo‘may pul topaman deb nima sababdan Amerika, Rossiya, Suriya, Iroq, Eron kabi davlatlarga ketmoqdamiz. Bularning barchasi o‘z imkoniyatlarimizdan oqilona foydalana olmayotganligimizdan. Biz o‘z Vatanimizning fidoiylari, yurtimizni sevishimizni, uni ko‘z qorachig‘idek asrashni muqaddas bilib, har qarich yeri, tuprog‘ini avaylab saqlash, tinchligi va barqarorligi uchun kurashishni qalb amrimiz, yuragimiz da’vati deb bilamiz. Bugun taraqqiyparvar davlatlar va xalqlar insoniyatni turli xavf-xatarlardan asrash, uning baxtli turmush kechirishini ko‘zlayotgan bir paytda, buzg‘unchi, riyokor kuchlar odamzodni turli nayranglar bilan chalg‘itib, g‘arazli niyatlarini amalga oshirishga intilayapti. Sof islom dinini o‘rganish kerak. Inson bu dunyoning ziynati sifatida yaratilgan. Ilmni yaxshi yo‘lda va insonga ziyon yetkazmaydigan ilmlarni o‘rganish eng yaxshi narsalardan biridir. Zero bu insonlarga faqatgina yaxshilik olib keladi. Bunday voqealarga loqayd qarashimiz mumkin emasligi haqida gapirib o‘tdi.
Yig‘ilish so‘ngida talabalar o‘zining qiziqtirgan savollarini ma’ruzachilarga berishdi va ma’ruzachilar tomonidan qoniqarli javoblar olishdi.Ushbu tadbir Jizzax viloyati teleradiokompaniyasi tomonidan tasvirga olinib,yangiliklar dasturida efirga uzatiladi va Jizzax xaqiqati gazetasining kelgusi sonida mavzu yuzasidan maqola chop etiladi.
