12-avgust kuni 2025-2026 o‘quv yili uchun xorijiy va nodavlat oliy ta’lim muassasalaridan o‘qishini ko‘chirish istagini bildirgan abituriyentlar uchun kasbiy (ijodiy) imtihonlar o‘tkazildi.

Imtihonda 29 nafar abituriyentdan 26 nafari ishtirok etdi. Jarayonni adolatli va shaffof o‘tkazish maqsadida 20 nafardan ortiq mutaxassislar jalb qilindi.Imtihon davomida barcha mutaxassislar, abituriyentlar, talabalar va qabul komissiyasi a’zolariga korrupsiya va manfaatlar to‘qnashuviga yo‘l qo‘ymaslik, bunday holatlarni kuzatgan taqdirda esa darhol universitetning Korrupsiyaga qarshi kurashish bo‘limiga yoki tegishli davlat organlariga murojaat qilishlari kerakligi bo‘yicha tushuntirishlar berildi.

Shuningdek, korrupsiya yoki manfaatlar to‘qnashuvi holatlarini sodir etgan shaxslar qonunchilikda belgilangan tartibda javobgarlikka tortilishi haqida qat’iy ogohlantirildi. Hozirgacha imtihon jarayonida yoki undan keyin bunday holatlar yuzasidan Bo‘limga hech qanday murojaatlar kelib tushmagan.