Saboq berish – mahorat, dars o’tish – sa’nat. Yaxshi pedagog bo’lish uchun o’z fani, sohasi va yo’nalishini bilishning o’zi kifoya qilmaydi. O’qituvchi bugungi kun tili bilan aytganda «universal» bo’lishi kerak: O’z yo’nalishidan tashqari yana, boshqa fanlardan ham xabardor bo’lishi, buning ustiga yaxshi notiq, malakali psixolog, o’rni kelganda mahoratli aktyor ham bo’lishni uddalashi lozim. Jizzax davlat pedagogika universiteti jamiyat uchun ana shu xislatlarni o’zida jamlagan yetuk mutaxassislarni yetkazib berishni maqsad qilgan oliygoh. Tarixga nazar tashlasak, 1974 yilda tashkil topgan instutitning dastlab atigi ikkita – O’zbek tili va adabiyoti hamda matpatika fakultetlari bo’lganini, 425 nafar talaba va 29 nafar ustozlar bilan o’z faoliyatin boshlaganiga guvoh bo’lamiz. 50 yillik tarixga ega bu dargohning ham o’z tosh-u tarozisi, oltin qoidalari bor. Ahil jamoaning oltin qoidalari esa juda oddiy … ilmda, sa’natda sport va kundalik xayotda oldinda bo’lish. Yaxshilik ulashish. Ezgu g’oyalar yo’lida xizmat qilish.