Joriy yilning 3-6 fevral kunlari Toshkent shahrida stol tennisi bo‘yicha talabalar o‘rtasida Universiada sport musobakalarining respublika final bosqichi bo‘lib o‘tdi. Unda Jizzax davlat pedagogika instituti talaba yoshlari ham munosib ishtirok etishdi.

Oliy va o‘rta maxsus ta’lim, Jismoniy tarbiya va sport vazirliklari, O‘zbekiston Milliy olimpiya qo‘mitasi va bir qator tashkilotlar tomonidan stol tennisi bo‘yicha o‘tkaziladigan Universiada sport musobaqalarida mamlakatimizning barcha hududidan 56 sportchi talaba g‘oliblik uchun kuch sinashdi. Stol tennisi bo‘yicha musobaqalarning final bosqichida Jizzax davlat pedagogika instituti talabalari faxrli 3-o‘rinni qo‘lga kiritib Jizzax viloyati jamoasiga muhim ochkolarni olib keldi.

Aytish joizki Universiada sport musobaqasi yuqori saviyada o‘tdi. Ishtirokchilar musobaqa vaqtida xalqaro standartlarga mos tennis stollari, raketka va koptok bilan ta’minlanishdi. Musobaqalar adolatli o‘tishi uchun oliy toifali hakamlar hakamlik qilishdi. Universiadaning har bir yo‘nalishini sport mutaxassislari kuzatib borishdi.

Ushbu bellashuvlarda g‘oliblikni qo‘lga kiritgan Jizzax davlat pedagogika instituti talaba yoshlari kelajakda nufuzli halqaro  sport musobaqalarida yurtimiz sharafini munosib himoya qilaoladigan sportchilar bo‘lishi shubhasiz. Bu esa stol tennisi bo‘yicha yangi nomlarni kashf etish va mazkur sport turini yanada ommalashtirishga olib keladi.

                                                                                                                                                                                   Jizzax davlat pedagogika instituti axborot xizmati