Jizzax shahridagi O‘rda bog‘ida O‘zbekiston kasaba uyushmalari harakatining 120-yilligi hamda “7-aprel-Butun jahon salomatlik kuni” munosabati bilan tarmoq kasaba uyushmalari tizimidagi korxona, tashkilot va muassasalarda faoliyat ko‘rsatayotgan, ta’lim olayotgan 35 yoshgacha bo‘lgan yoshlar (yigitlar va qizlar) o‘rtasida yugurish marafoni o‘tkazildi. Yugurish marafonida viloyatdagi tarmoq kasaba uyushmalari tizimidagi korxona, tashkilot va muassasalarda faoliyat ko‘rsatayotgan, ta’lim olayotgan 800 nafarga yaqin yoshlar (yigitlar va qizlar) ishtirok etishdi. Yugurish marafoni so‘ngida o‘tkazilgan taqdirlash marosimida O‘zbekiston kasaba uyushmalari federatsiyasi Jizzax viloyat Kengashining raisi o‘rinbosari Ixtiyorov A’zam Rashidovich so‘zga chiqib, marafon ishtirokchilariga o‘zining samimiy tilaklarini bildirdi.

Yugurish marafoni natijalariga ko‘ra qizlar o‘rtasida 1-o‘rinni Xayrullayeva Feruza Lutfulla qizi (JDPU), 2-o‘rinni Jo‘rayeva Dildora Ubaydulla qizi (JDPU), 3-o‘rinni Omonova Sabrina Shamsi qizi (JDPU) qo‘lga kiritdi. Yigitlar o‘rtasida Aktamov Uchqun Akbar o‘g‘liga 1-o‘rin, Haqberdiyev Xusan Abduqodir o‘g‘liga 2-o‘rin nasib etdi. Musobaqada g‘oliblikni qo‘lga kiritganlar tashkilotchilarning diplom va qimmatbaho sovg‘alari bilan taqdirlanishdi.