Jizzax davlat pedagogika universiteti rahbariyati, Yoshlar masalalari, ma’naviy-ma’rifiy ishlar bo‘yicha birinchi prorektori F.Aqchayev boshchiligida bir guruh mas’ullar 4-sonli talabalar turar joyida bo‘lishdi.

Uchrashuv davomida talabalar turar joyida yaratilgan sharoitlar bilan tanishildi, talabalarning fikr-mulohazalari tinglandi. Talabalar o‘zlarini qiynayotgan ayrim muammolar haqida ham ochiqchasiga gapirib o‘tdilar. Shu joyning o‘zida mas’ullarga tegishli topshiriqlar berilib, mavjud kamchiliklarni bartaraf etish bo‘yicha aniq chora-tadbirlar belgilandi.

Shuningdek, talabalar uchun yaqinda ta’mirdan chiqarilib foydalanishga topshirilgan yangi stadion va universitet hududidagi barcha sport maydonchalari haqida ma’lumot berildi. Endilikda talabalar bu inshootlardan kechki soat 22:00 gacha bemalol foydalanishlari mumkinligi, zarur sport anjomlari ham taqdim etilishi ta’kidlandi.

 Uchrashuv ochiq muloqot va amaliy natijalarga yo‘naltirilgani bois talabalar uchun samarali bo‘ldi.