Bugun talabalarning ta’lim olishlari uchun barcha shart-sharoitlar yaratilayotganiga qaramay ayrim talaba yoshlar tomonidan bir qancha huquqbuzarliklar va jinoyatlar sodir etilmoqda, bularning barchasi joylarda targ‘ibot ishlarining yetarli darajada olib borilmayotgani, huquqiy savodxonlikning pastligi, yoshlarimizning huquqbuzarlik va jinoyatchilikning asl mohiyatini tushunmasliklari oqibatidadir. Joriy yilda universitet talabalari tomonidan 7 ta huquqbuzarlik, o‘g‘rilik, aldov yo‘li bilan o‘zgalar mulkini o‘zlashtirish, mayda bezorilik holatlari sodir etildi. Bu albatta universitet jamoasi uchun noxush holatdir.
Ochiq muloqotda so‘zga chiqqanlar mana shu ma’lumotlarni taqdim qilish bilan bir qatorda, talabalar tomonidan sodir etiladigan turli huquqbuzarlik va jinoyatlarga belgilanadigan jazo turlari haqida, shuningdek, jinoyat va huquqbuzarlik sodir etgan talabalar o‘qishdan chetlatilishi mumkinligi haqida to‘xtalishdi Shuningdek tadbir davomida piyodalar harakati, avtomobillardan foydalanishda ehtiyot bo‘lish, yo‘l harakati qoidalariga amal qilish haqida ham fikr mulohazalar bildirildi.
Tadbir so‘nggida talabalar o‘zlarini qiziqtirgan savollarga soha mutaxassislari tomonidan aniq va lo‘nda javoblar olishdi.Universitetning Yoshlar bilan ishlash, ma’naviyat va ma’rifat bo‘limi tomonidan tashkillashtirilgan tadbirda huquq tartibot idoralar vakillari, tyutorlar va talaba yoshlar ishtirok etishdi.
