Jizzax davlat pedagogika universitetining Filologiya fakulteti 2-bosqich talabalari uchun “Kelajak soati” rukni doirasida navbatdagi ma’rifat darsi tashkil etildi.

Dars “Xavfsiz hayot” mavzusida bo‘lib o‘tdi. Unda talabalar milliytarbiya.uz platformasida joylashtirilgan interaktiv kontentlar bilan tanishib, xavflarning turlari, ular sababli yuzaga kelishi mumkin boʻlgan salbiy oqibatlar hamda xavfsizlikni mustahkamlash yoʻllari to`g`risidagi foydali bilimlarga ega bo‘ldilar.

Mashg‘ulot davomida talabalar xavfsizlik va sogʻlom ijtimoiy munosabatlar uchun shaxsiy chegaralarning ahamiyati hamda oʻzlari va boshqalar uchun hurmatga asoslangan muhit yaratish borasidagi hayotiy misollarni keltirish asosida muhokamalarda faol ishtirok etishdi.

Mazkur mavzu yuzasidan shaxsiy xavfsizlik haqida qayg‘urish sogʻlom fikr, oʻzaro ishonch va hurmatni ta’minlash mumkinligi haqidagi xulosaga kelindi.