Bugun Jizzax viloyatida yurtimizning atoqli davlat va jamoat arbobi, yozuvchi va xalqparvar inson Sharof Rashidovning tavallud kuni keng nishonlandi.

Erta tongdan viloyatdagi ko‘plab tashkilotlar, muassasalar hamda jamoat vakillari viloyat hokimligi tashabbusi bilan Sharof Rashidov haykali poyiga gul qo‘yish marosimida ishtirok etdilar.

Tadbirda Jizzax davlat pedagogika universitetining professor-o‘qituvchilari, talaba yoshlar ham faol qatnashdilar.

Tantanali marosimni viloyat hokimi o‘rinbosari Akmal Savurboyev ochib berdi. U o‘z nutqida Sharof Rashidovning hayot yo‘li, sermazmun ijodi va xalqimiz uchun qilgan beqiyos xizmatlari haqida so‘z yuritdi.

Tadbir davomida bir guruh ijodkorlar, shuningdek Sharof Rashidovni shaxsan tanigan insonlar o‘z xotiralari va samimiy fikrlari bilan o‘rtoqlashdilar.

Marosim Sharof Rashidov haykali poyiga gulchambarlar qo‘yish bilan yakunlandi.