Jizzax davlat pedagogika universiteti talabalaridan iborat delegatsiya 12–14-may kunlari Qoraqalpog‘iston Respublikasida o‘tkaziladigan ma’naviy-ma’rifiy tadbirlarda ishtirok etish uchun yo‘lga chiqdi.

Mazkur tashrif doirasida talabalar ishtirokida madaniy-ma’rifiy uchrashuvlar, ochiq muloqotlar, ijodiy kechalar hamda yoshlar forumi tashkil etilishi rejalashtirilgan.

Shuningdek, Qoraqalpog‘istondagi oliy ta’lim muassasalari talabalari bilan tajriba almashish, fikr va g‘oyalar muhokamasi, yoshlarning tashabbuslarini qo‘llab-quvvatlashga qaratilgan muloqotlar o‘tkaziladi.

Tadbirlar yoshlar o‘rtasida do‘stlik va hamjihatlik muhitini mustahkamlash, milliy qadriyatlar va ma’naviy merosga hurmat tuyg‘usini yuksaltirishga xizmat qiladi.

Ma’lumot o‘rnida, ushbu tashrif O‘zbekiston Respublikasi Oliy ta’lim, fan va innovatsiyalar vazirligining Qoraqalpog‘iston Respublikasida yoshlarga oid islohotlar samaradorligini oshirishga qaratilgan topshiriqlari asosida tashkil etilmoqda.