17-20-noyabr kunlari Sirdaryo viloyati, Guliston shahridagi Guliston davlat universitetida respublika miqyosidagi “Besh tashabbus olimpiadasi” final bosqichi bo‘lib o‘tmoqda. Mazkur olimpiadada sportning voleybol, yengil atletika va stritbol turlari bo‘yicha hududiy bosqichda ustunlikni qo‘lga kiritgan Jizzax davlat pedagogika universiteti sportchilari ham ishtirok etib, o‘z mahoratini namoyish etmoqdalar.

Bugun olimpiadadan ajoyib yangilik keldi: stritbol bo‘yicha qizlar jamoamiz oltin medalga ega bo‘ldi! Bu g‘alaba universitet sportchilari fidokorligi,  murabbiylar zahmatlari va shaxsan universitet rektorining samimiy qo‘llab-quvvatlashi natijasida amalga oshganligini yana bir bor isbotlaydi.

JDPU rahbariyati va barcha talabalar sportchilarni dastlabki oltin medal bilan chin dildan tabriklaydi va ularga yanada ulkan muvaffaqiyatlar tilaydi.