JDPUda bo‘lib o‘tgan tadbir ana shunday nomlandi.
O‘zbek tili va adabiyoti professor-o‘qituvchilari va talabalari tomonidan tayyorlangan”ikki daho-ikki bebaho” deb nomlangan badiiy kecha buyuk mutafakkir g‘azal mulkining sultoni A.Navoiyning 584-yilligi hamda shoh va shoir, davlat arbobi Z.M. Boburning 542-yilligiga bag‘ishlandi.
Kechani universitet yoshlar masalalari, ma’naviy-ma’rifiy ishlar bo‘yicha birinchi prorektor S.Nazarqosimov ochib berdi. U o‘z so‘zida Buyuk shoir va mutafakkir, davlat va jamoat arbobi Alisher Navoiy hamda Z.M.Boburning milliy madaniyatimiz va adabiyoti uchun qoldirgan bebaho ijodiy-ilmiy merosi, nodir adabiy asrlar osha dunyo xalqlarini ham o‘ziga jalb etib kelayotganini ta’kidlab o‘tdi.
Shuningdek, tadbirda so‘zga chiqqanlar Navoiy turkiy til asosida betakror bog‘ yaratib, dunyo ahlini hayratga solgan bo‘lsa, Bobur shu turkiy nazm gulshanidagi bepoyon bog‘ni chin ma’noda bo‘stonga aylantirgan va hind yurtida ham ijodkorlar rahnamosi bo‘lganligini e’tirof etib. Shu bois ham ularning ijodi hamon qunt bilan o‘rganilayotganini aytib o‘tishdi.
Shundan so‘ng talabalar ijrosida Hazrat Bobur hamda Navoiyning bebaho ijodidan g‘azal va ruboiylar o‘qildi. Maqom va qo‘shiqlar ijro etildi.
ijodkor talaba yoshlar tomonidan sahnalashtirilgan “Layli va Majnun” monologi hamda “Bobur va Humoyun suhbati” tomoshabinlarga manzur bo‘ldi.
