21 mart kuni Baranovichi Davlat universitetida (Belarus Respublikasi) yangilanish va yasharish bayrami o‘tkazildi. Turkmaniston, O‘zbekiston, Qirg‘iziston, Tojikiston talabalari uchun o‘tkazilgan Navro‘z bayrami Baranovich davlat universitetida nishonlash a’nanaga aylandi desak xato qilmagan bo‘lamiz.
Abdulla Qodiriy nomidagi Jizzax Davlat Pedagogika institutining «2 + 2» qo‘shma o‘quv dasturi doirasida o‘qishni Baranovich davlat universitetida davom ettirayotgan talabalari navro‘z bayramini bor bo‘y basti, milliyligini, turli ko‘rinishlardanamoyon etishdi. Belorussiya va Xitoydan kelgan talabalar ham bayramda o‘zlarining musiqiy tabriklarini taqdim etishdi.
Bayram tadbiriga faxriy mehmonlar ham tashrif buyurishdi. Tadbirda O‘zbekiston Respublikasining Belarus Respublikasidagi elchixonasi birinchi kotibi Azimjon Abdullaev, elchixona konsuli Xojiakbar Vahobov, universitet rektori Aleksandr Unsovich barcha chet ellik talabalar va mehmonlarni bayram bilan tabriklab, mamlakatlarimiz o‘rtasidagi samarali hamkorlik aloqalari haqida iliq fikrlarni bildirishdi.
Tadbirda shuningdek O‘zbek milliy taomlari taomlari ko‘rgazmasi ham tashkil etilib, unda talaba yoshlarimiz o‘z qo‘llari bilan tayyorlagan milliy o‘zbek taomlarii yig‘ilganlarga namoyish etdilar.
