Jizzax davlat pedagogika universitetining Pedagogika-psixologiya va inklyuziv ta’lim fakulteti, Maxsus pedagogika kafedrasi tashabbusi bilan ezgu maqsadlarga yo‘naltirilgan hayriya tadbiri tashkil etildi. Tadbirni universitetning ma’naviyat-ma’rifat bo‘limi rahbari B. Qo‘shmurodov ochib berdi.
Anjumanning asosiy maqsadi imkoniyati cheklangan bolalarni qo‘llab-quvvatlash, jamiyatda inklyuziv muhitni yanada kengaytirish va ularning ijodiy saloxiyatini rag‘batlantirishdan iborat bo‘ldi. “Bizni mehr birlashtiradi” shiori ostida o‘tgan tadbir ishtirokchilarda chuqur taassurot qoldirdi.
Tadbir doirasida bolalar va yoshlar tomonidan tayyorlangan rang-barang badiiy chiqishlar namoyish etildi:
-
JDPU Musiqiy ta’lim yo‘nalishi talabalari ijrosida dilga yaqin qo‘shiqlar yangradi.
-
32-sonli aqli zaif bolalar uchun ixtisoslashtirilgan maktab-internat o‘quvchilari jonli va ko‘tarinki ruhdagi raqslari bilan qatnashdilar.
-
2-sonli zaif eshituvchi bolalar uchun ixtisoslashtirilgan maktab-internat tarbiyalanuvchilari o‘zlarining maxsus tayyorlagan ijodiy chiqishlari bilan yig‘ilganlarga quvonch ulashdilar.
-
5-sonli davlat ko‘p tarmoqli ixtisoslashtirilgan maktabgacha ta’lim tashkiloti tarbiyalanuvchilarining musiqa sadolariga hamohang raqslari tadbirga alohida fayz bag‘ishladi.
Tadbir yakunida ishtirok etgan bolalar va faol yoshlar uchun taqdirlash marosimi tashkil etildi. Tashkilotchilar ishtirokchilarga ijodiy faollik, sog‘lom muhitda o‘sish, motivatsiya bilan ta’lim olishga intilishni tilab qolishdi.
