Oliy ta’lim muassasalari talabalari o‘rtasida o‘tkaziladigan Universiada musobaqalarining saralash xududiy bosqichi qizg‘in pallaga kirdi. Viloyatimiz mezbonlik qilayotgan voleybol sport o‘yinlari har doimgidan murosasiz bo‘lmoqda. Xududiy saralash bosqichida qatnashayotgan Toshkent shahri, Toshkent viloyati, Sirdaryo viloyati hamda mezbon Jizzax viloyatining shijoatli o‘g‘il-qizlari musobaqani ko‘tarinki ruhda o‘tkazishmoqda.
Dastlabki kuni bo‘lib o‘tgan bahslarda Jizzaxlik talaba qizlar Sirdaryolik tengdoshlarini 3-0 hisobida mag‘lubiyatga uchratgan bo‘lsa Toshkent shahri hamda Toshkent viloyatlari o‘rtasida kechgan bahsda viloyatdan tashrif buyurgan sportchilar 1-3 hisobida g‘alaba qozonishdi. Kunning ikkinchi qismida o‘g‘il bolalar o‘rtasidagi o‘yinlarga start berildi. Dastlabki bahsda Toshkent viloyati o‘g‘il bolalari Toshkent shahar jamoasi ustidan yirik 3-0 ustida g‘alaba qozonishgan bo‘lsa Jizzaxlik o‘g‘il bolalar murosasiz kechgan bahsda qo‘shni Sirdaryo viloyati yigitlarini 3-2 hisobida mag‘lubiyatga uchratishdi.
Musobaqalarning ikkinchi kuni keskin bahslar bilan boshlandi. Musobaqaga tashrif buyurgan muxlislar xayqirig‘i ostida mezbon Jizzax viloyati qizlari raqibalari Toshkent viloyati jamoasini 3-2 hisobida mag‘lubiyatga uchratib g‘alaba na’shidasini surishdi. Sirdaryolik qizlar Toshkent shahar qizlari qizlarni 3-2 hisobida mag‘lubiyatga uchratishdi. Musobaqalar davom etadi.
Voleybol(qizlar)
| № | Jamoa | O‘yin | Ochko |
| 1 | Jizzax viloyati | 2 | 6 |
| 2 | Toshkent viloyati | 2 | 3 |
| 3 | Sirdaryo viloyati | 2 | 3 |
| 4 | Toshkent shahri | 2 | 3 |
Voleybol(o‘g‘il bolalar)
| № | Jamoa | O‘yin | Ochko |
| 1 | Jizzax viloyati | 1 | 3 |
| 2 | Toshkent viloyati | 1 | 3 |
| 3 | Sirdaryo viloyati | 1 | 0 |
| 1 | Toshkent shahri | 2 | 0 |
