Hurmatli professor-o‘qituvchilar, xodimlar va talabalar!

Atrof-muhitni muhofaza qilish, tabiiy resurslardan oqilona foydalanish hamda universitetda raqamli boshqaruv tizimini yanada rivojlantirish maqsadida Jizzax davlat pedagogika universitetida har oyning oxirgi juma kuni “Qog‘ozsiz bir kun” ekoaksiyasi o‘tkaziladi.
Ushbu kunda xizmat xatlari, bildirishnomalar, murojaatlar va boshqa xizmat yozishmalari imkon qadar faqat elektron platformalar va raqamli tizimlar orqali amalga oshiriladi.

Ekoaksiyaning asosiy maqsadlari:
🌳 Daraxtlar va tabiiy resurslarni asrash;
📄 Qog‘oz sarfini qisqartirish va tejamkorlikni ta’minlash;
💻 Ish jarayonlarini zamonaviy raqamli texnologiyalar asosida tashkil etish;
♻️ Ekologik madaniyatni yuksaltirish va barqaror rivojlanishga hissa qo‘shish.
Keling, tabiatni asrashga birgalikda hissa qo‘shaylik! Qog‘oz o‘rniga raqamli texnologiyalardan foydalanib, yashil kelajak sari yana bir qadam tashlaylik!