Jizzax davlat pedagogika universitetining Bo‘g‘ishamol binosida Tarix fakulteti bitiruvchilari uchun “Bitiruvchi – 2026” mavzusida ish beruvchilar bilan uchrashuv hamda “Kelajakka qadam” dasturi ijrosiga bag‘ishlangan seminar tashkil etildi.
Mazkur seminar bitiruvchilarning bandligini ta’minlash, ularni kasbiy faoliyatga yo‘naltirish hamda ta’lim muassasalari va ish beruvchi tashkilotlar o‘rtasidagi hamkorlikni mustahkamlashga qaratildi.
Unda universitet rahbariyati, viloyatdagi davlat va jamoat tashkilotlari vakillari hamda soha mutaxassislari ishtirok etdilar.
Tadbir davomida mutasaddilar tomonidan mavjud bo‘sh ish o‘rinlari, ishga joylashish tartiblari, tanlov jarayonlari va yosh mutaxassislar uchun yaratilgan imkoniyatlar haqida batafsil ma’lumot berildi.
Uchrashuv ochiq muloqot tarzida o‘tib, bitiruvchilar o‘zlarini qiziqtirgan savollarga bevosita javob olish imkoniga ega bo‘ldilar.
