Jizzax davlat pedagogika instituti Tabiiy fanlar fakulteti Biologiya va uni o‘qitish metodikasi kafedrasi tashabbusi bilan o‘tkazilgan respublika ilmiy amaliy konferensiya ana shunday nomlandi
Konferensiyaga O‘zRFA Botanika instituti O‘zbekiston Respublikasi Fanlar akademiyasining akademigi K.Sh.Tojibaev “O‘zbekiston florasi va uning to‘r tizimli xaritalarini yaratish istiqbollari (grid mapping).” mavzusi bilan, Namangan davlat universiteti biologiya fanlar doktori A.R. Batoshov “Nurota qoldiq tog‘lari florasi va ularning elektron ma’lumotlar bazasi” mavzusi bilan ishtirok etdi. Konferensiya biologiya fanini yanada rivojlantirish, ta’lim, fan va ishlab chiqarishning o‘zaro manfaatli hamkorlik mexanizmini yo‘lga qo‘yish, yuqori malakali kadrlar tayyorlash va ularni ish o‘rinlari bilan ta’minlash jarayonida ishlab chiqarish korxonalari bilan aloqalarni kuchaytirish, yurtimizda Uchinchi Renessans poydevorini barpo etish, unga xissa qo‘shish maqsadida tashkil qilindi.
Konferensiyada Jizzax davlat o‘rmon xo‘jaligi direktori A.T Xolmatov, O‘zbekiston ekologik partiyasining Jizzax viloyati ekologik kengashi raisi A.X. Raxmonqulov, Zomin davlat qo‘riqxonasining ilmiy ishlar bo‘yicha direktor o‘rinbosari Q.A. Turatov, Zomin milliy tabiat bog‘ining ilmiy ishlar bo‘yicha direktor o‘rinbosari H.H.Xazratqulov, Zomin milliy tabiat bog‘ining katta ilmiy xodimi S.Barakaev, Namangan davlat universiteti tayanch doktorantlari R.K.G‘ulomov, X.R. Xoshimov, Toshkent davlat agrar universiteti magistranti Z.A.Raximjonovalar biologiyaning global muammolari bo‘yicha ma’ruza qilishdi. Konferensiyada biologiya yo‘nalishining bakalavriat va 1-2- bosqich magistrlari, tayanch doktorantlari faol ishtirok etdishdi.
