Jizzax davlat pedagogika universitetida Vatan himoyachilari kuniga bag‘ishlangan tadbir ana shu shior ostida tashkil etildi.

JDPU O’zbek tili va adabiyoti hamda Rus tili va adabiyoti fakultetlari hamkorlikda tashkil etilgan tadbirda Jizzax viloyati mudofaa boshqarmasi faxriylar kengashi raisi va uning a’zolari, Yoshlar ittifoqi harbiy bo‘limi rahbari, Markaziy harbiy okrug harbiylari hamda O‘zbekiston Respublikasi Qurolli Kuchlari sharafini himoya qilayotgan mashhur sportchi-chempionlar ishtirok etishdi.

Uchrashuv davomida vatanparvarlik, har bir fuqaroning o‘z mamlakati oldidagi burchi va bu xislatlarni shakllantirishda ta’limning o‘rni kabi masalalarga alohida e’tibor qaratildi.

Tadbirda harbiy sportchi-chempionlar intizom va sabr-toqat yordamida qanday yuksak natijalarga erishganliklarini so‘zlab berishdi. Tadbir so‘ngida talabalar o‘zlarini qiziqtirgan savollarni berish bilan bir qatorda, harbiy xizmatning ahamiyati to‘g‘risida o‘z fikrlarini bildirdilar.