17 yanvar kuni Jizzax davlat pedagogika universiteti rektori Sh. Sharipov TTJ joyida bo‘ldi. Ayni shu kunlarda ta’til bo‘lishiga qaramay universittetning talabalar turar joyida 137 nafar talaba yoshlar istiqomat qilishmoqda. Tashrif davomida Universitet rektori Sh. Sharipov hamda moliya va iqtisod ishlari bo‘yicha prorektor F. To‘raev boshchiligidagi vakillar talabalarga yaratilgan sharoitlar bilan tanishishdi.
O‘rganishlar davomida TTJ ning issiqlik holati ham ko‘zdan kechirildi.Bu borada talabalardan qanday shikoyatlar borligini bilish maqsadida vakillar har bir qavatdagi talabalar xonalariga kirib ular bilan yuzma yuz suhbat qurishdi. Bildirilgan taklif va murojaatlar nazoratga olindi. Shundan so‘ng vakillar talabalar turar joyida talabalarning bo‘sh vaqtlarini mazmunli o‘tkazish borasida qilinayotgan ma’naviy-ma’rifiy tadbirlar, yaratilgan sharoitlar bilan qiziqdilar.
Bu borada talabalar turar joyi ma’sullariga, navbatchi tarbiyachilarga kerakli tavsiya va takliflar ham berildi. Tashrif so‘ngida talabalarga universitet tomonidan osh tarqatildi.
