Jizzax davlat pedagogika universitetida talaba-qizlarning ijtimoiy-siyosiy faolligini oshirish, ularni vatanparvarlik ruhida tarbiyalash hamda sog‘lom turmush tarzini targ‘ib etishga qaratilgan “To‘maris izdoshlari” milliy tanlovi Xotin-qizlar maslahat kengashi tashabbusi bilan tashkil etildi.

Mazkur tadbir davomida ishtirokchilar tanishtirish, sport mahorati, birinchi tibbiy yordam hamda velosipedda uchish yo‘nalishlarida o‘z salohiyatlarini namoyon etib, jasorat, chaqqonlik va jamoaviy ruh uyg‘unligini ko‘rsatdilar.

Tanlov talaba-qizlarda qat’iyat, irodaviy sifatlar va tezkor qaror qabul qilish ko‘nikmalarini rivojlantirishga xizmat qilgan muhim ma’naviy-ma’rifiy tadbir sifatida katta taassurot qoldirdi.