Ushbu veb-sayt hozirda test rejimida ishlamoqda. Ba'zi funksiyalar mavjud bo‘lmasligi yoki kutilganidek ishlamasligi mumkin.
Yangiliklar
Yangiliklar
|
08/08/2023
Chop etish
Texnikumlarni imtiyozli bitiruvchilari OTMga suhbat asosida qabul qilinadi.

JDPUda texnikumlarni imtiyozli bitirgan bitiruvchilar ishtirokida konsultatsiyalar bo‘lib o‘tmoqda.

2022-yil 11-yanvardagi Hukumat qarori bilan “Texnikumlarni muvaffaqiyatli tamomlagan bitiruvchilarni oliy taʼlim muassasalarining bakalavriat taʼlim yo‘nalishlariga suhbat asosida o‘qishga qabul qilish tartibi to‘g‘risida”gi nizom tasdiqlangan edi.

Unga ko‘ra, texnikumlarni muvaffaqiyatli tamomlagan bitiruvchilar o‘z sohasiga mos bakalavriat taʼlim yo‘nalishlariga kirish imtihonlarisiz, yakka tartibdagi suhbat orqali oliy taʼlim muassasalarining 2-bosqichidan o‘qishini davom ettirish uchun qabul qilinadi.

Bunda texnikumni muvaffaqiyatli tamomlaganlar toifasiga texnikumdagi butun o‘qish davrida o‘quv semestrlari yakuniga ko‘ra o‘zlashtirish baholari “5” (aʼlo) va “4” (yaxshi), biroq o‘zlashtirish baholarining kamida 50 foizi (tibbiyot oliy taʼlim muassasalari uchun kamida 85 foizi) “5” (aʼlo) bo‘lgan bitiruvchilar kiradi.

OTMga suhbat orqali qabul qilish tartibi texnikumni tamomlagan yildan boshlab ikki yil mobaynida tatbiq etiladi. Jizzax davlat pedagogika universitetida bo‘lib o‘tgan suhbatdan oldingi konsultatsiyalarda ana shunday maʼlumotlar berildi. Konsultatsiyaga kelgan texnikum bitiruvchilari mavzu doirasida savollarni berishdi. Konsultatsiya davomida professor-o‘qituvchilar Bitiruvchilarni o‘z sohasiga mos bakalavriat taʼlim yo‘nalishlariga suhbat asosida o‘qishga qabul qilish tartibi Suhbat komissiya aʼzolari xususida to‘liq maʼlumotlar berib o‘tishdi.


Ulashish:
993
Boshqa rubrikalarda mashhur

Xalqaro hamkorlik.
Jizzax davlat pedagogika universiteti Ingliz tili nazariyasi va amaliyoti kafedrasi mudiri Jabborova Anora xorijiy stajirovka doirasida Ispaniyaning mashhur shaharlaridan biri bo‘lgan Barselonaga tashrif buyurdi.
JDPU da korrupsiyaga oid huquqbuzarliklarni sodir etgan pedagog xodimlar haqida ma’lumotnoma.
korrupsion_holat_sodir_etgan_xodimlar_bo’yicha_ma’lumotnoma
Dissertatsiya ishi muhokamasi bo‘lib o‘tdi.
2025-yil 30-iyun kuni soat 14:00 da Jizzax davlat pedagogika universiteti Axborot-resurs markazining majlislar zalida 3-bosqich doktorant Qalandarova Safiya Tohirovnaning dissertatsiya ishi muhokamasi bo‘lib o‘tdi.