Jizzax davlat pedagogika universitetining 2-son talabalar turar joyida universitet psixologi X.Odiljonova boshchiligida “Imtihon stressini bartaraf etish” mavzusida psixologik seminar-trening tashkil etildi. Ushbu tadbirda “Volontyor psixologlar” jamoasi va TTJ tarbiyachi-pedagogi N. Nomozova faol ishtirok etdi.
Seminar davomida talaba qizlar bilan psixologik diagnostika va korreksiya ishlarining samarali usullari qo‘llanildi. Mashg‘ulotlarda ishtirok etgan qizlar stressni boshqarish, motivatsiyani oshirish va psixologik barqarorlikni rivojlantirish bo‘yicha qimmatli maslahatlar va ko‘nikmalarga ega bo‘lishdi.
Trening yakunida qizlarning faolligi va motivatsiyasini oshirish maqsadida musobaqa tashkil etildi. G‘olib bo‘lgan ishtirokchilar Xotin-qizlar qo‘mitasi raisi Z. Kasimova tomonidan esdalik sovg‘alari bilan taqdirlandi.
Mazkur tadbir talaba qizlar orasida imtihon oldi kayfiyatini ko‘tarish, xotin qizlar o‘rtasida psixologik muhitni barqarorlashtirish va psixologik xizmat ko‘rsatish maqsadida uyushtirildi.
