Korrupsiyaga qarshi kurashish “Komplaens nazorat” tizimini boshqarish bo‘limi hamda Aksilkorrupsiyaviy kovorking markazi hamkorligida Filologiya fakulteti talabalari ishtirokida seminar-trening tashkil etildi.

Tadbirda talaba-yoshlarga “Virtual akademiya” elektron platformasining imkoniyatlari tanishtirilib, korrupsiyaning mazmuni, turlari, javobgarlik choralari hamda akademik halollik tamoyillariga rioya etishning ahamiyati haqida tushunchalar berildi.

Shuningdek, ko‘chirmachilik, akademik insofsizlik va turli firibgarlik holatlarining salbiy oqibatlari muhokama qilinib, ta’limdagi korrupsiyaga nisbatan murosasiz munosabatni shakllantirish masalalariga alohida e’tibor qaratildi.

Seminar davomida korrupsiyaga oid huquqbuzarliklar haqida xabar bergan yoki korrupsiyaga qarshi kurashishga ko‘maklashgan shaxslarni rag‘batlantirish tartibi yuzasidan ham ma’lumotlar berildi.