Fikr almashish va tajriba almashish-ta’limni rivojlantiradi, -deydi universitet rektori Sh. Sharipov
Bugun JDPU ga Buxoro davlat pedagogika institutidan bir guruh vakillar tashrif buyurishdi.
Tashrifdan ko‘zlangan maqsad – oliy ta’lim muassasasida yaratilgan shart-sharoitlar, o‘quv jarayonining tashkil etilishi, talabalarning ta’lim olishlari va ilmiy-tadqiqot ishlarining olib borilishi bilan bog‘liq chora-tadbirlarni o‘rganish va o‘zaro tajriba almashish va ijobiy tajribalarni kelgusida Buxoro davlat pedagogika institutda o‘quv jarayoniga tatbiq etishdan iborat.Mehmonlar tashrifni universitet rektori qabulidan boshlashdi.
-Ish samaradorligini oshirishda o‘zaro tajriba almashish, takliflarni inobatga olish muhim o‘rin tutadi, deydi universitet rektori Sh.Sharipov Zero, fikr-mulohazalar asosida kirishilgan har qanday yumush ancha salmoqli bo‘ladi. Kasb doirasida o‘rnatilgan hamkorlik esa har ikki tomon uchun ham foydadan holi emas. Bu orqali yangi g‘oyalar, ishlanmalar, innovatsiyalar vujudga keladi.
Mazkur suhbat davomida Buxoro davlat pedagogika institutii o‘quv ishlari bo‘yicha prorektor Erkin Muxtorov universitet rahbariyatiga o‘z fikr-mulohazalarini bildirishi bilan bir qatorda tajriba almashishi uchun xorijiy talim muassasalariga borishdan oldin o‘zimizdagi jamoatchilik tomonidan e’tirof etilgan OTMlaridan boshlash lozimligini ta’kidladi. Buxoro davlat pedagogika institutidan kelgan mas’ul xodimlari Jizzax davlat pedagogika universitetida o‘quv jarayonining tashkil etilishi, professor-o‘qituvchilar va talabalar uchun yaratilgan shart-sharoitlarni o‘rganish ishlarini boshlab yuborishdi.
