Referendum 2023: Talabalar turar joyida yoshlar forumi bo‘lib o‘tdi
Forum o‘tayotgan Jizzax davlat pedagogika universitetining 2-son TTJ maydoni bugun bayramona bezatilgan. Sahna atrofiga yig‘ilayotgan yoshlar bugungi tadbirga alohida tayyorgarlik ko‘rishgan. Ular, Ezgu g‘oyalar,teran fikrlarga tutash, barchani buyuk maqsad sari undaguvchi bu tadbir har kungidan-da qiziq va ajoyib o‘tishiga ishonishadi.
Ustozlarning, iqtidorli talabalarning, chiqishlari barchani «befarq bo‘lmaslikka», referendumda fuqarolik pozitsiyasini namoyon etishga undamoqda. Har bir notiq o‘z so‘zida yangi konstitutsiyamizning mamlakatimiz hayotida tutgan o‘rni, unga kiritilayotgan yangi qo‘shimchalar va o‘zgarishlar xalqimizning turmush tarzini yanada farovonlashishiga, inson qadrini bundanda yuksalishiga xizmat qilishini ta’kidlab, 30 aprel kuni bo‘lib o‘tadigan referendumda faol ishtirok etishlariga da’vat etmoqda.
Universittenning badiiy jamoasi, yosh, iqtidorli ijodkorlar o‘zlarining eng sara kuy-qo‘shiqlari va raqslari bilan yig‘ilganlarga xushkayfiyat ulashishdi.
Talaba yoshlar, mehmonlar bilan bilan suratlarga tushishdi. Kuy-qo‘shiqqa, qshiqlar raqslarga ulandi. “Kelajaging uchun ovoz ber!” shiori ostida tashkillashtirlgan targ‘ibot tadbiri haqiqiy bayramga aylanib ketdi.
