Muqaddas oliygohimizda uzoq yillardan buyon faoliyat ko‘rsatib kelayotgan ustozlar Tarix fakulteti “ Umumiy tarix” kafedrasi professori Baxtiyor Mirkomilov hamda Matematika va informatika fakulteti “Informatika va raqamli ta’lim texnologiyalari” kafedrasi dotsenti Do‘stqul Botirovlar qutlug‘ 70 yoshni qarshi olishdi.
50-yillik tarixga ega ushbu oliygohda kimlar faoliyat ko‘rsatmadi deysiz. Shogirdlari sevgan ulug‘ ustozlar ushbu dargohda talabalarga ilm berdi.Oliygoh tashkil topgan yillardan buyon mana shu ustozlar va ularning davomchilari mehnat qilib kelmoqda.
Bugungi qutlug‘ yosh, ya’ni 70 yoshni qarshilagan ustozlarni universitet rektori Shavkat Sharipov barcha nomidan muborakbod etdi. Ularga ijodiy barkamollik, sog‘liq tilab maxsus diplom va kasaba uyushmalari qo‘mitasi tomonidan tayyorlangan sovg’alarini topshirdi.
