Jizzax davlat pedagogika universitetining Pedagogika-psixologiya va inklyuziv ta’lim fakultetida Ota-onalar kengashining navbatdagi yig‘ilishi tashkil etildi. Tadbirda ota-onalar, fakultet rahbariyati, professor-o‘qituvchilar hamda faol talabalar ishtirok etishdi.
Yig‘ilishni universitet yoshlar masalalari va ma’naviy-ma’rifiy ishlar bo‘yicha birinchi prorektori Farrux Akchaev ochib berdi. U o‘z so‘zida universitetda amalga oshirilayotgan islohotlar, talabalar o‘rtasida odob-axloq me’yorlariga rioya etish, ota-onalar bilan hamkorlikni kuchaytirishning ahamiyati haqida so‘z yuritdi. Shuningdek, ta’lim-tarbiya jarayonida oila va oliy ta’lim muassasasi o‘rtasidagi doimiy muloqot samarali natijalarga olib kelishini ta’kidladi.
Yig‘ilish davomida quyidagi masalalar muhokama qilindi:
-
O‘quv jarayonida kredit-modul tizimining joriy etilishi va talabalarning baholanish mezonlari;
-
Korrupsiya va uning salbiy oqibatlari, uni oldini olish bo‘yicha profilaktik chora-tadbirlar;
-
Talabalar orasida huquqbuzarlik va jinoyatchilikning oldini olish;
-
Talabalarning ijtimoiy-psixologik holatini yaxshilash masalalari.
Har bir yo‘nalish bo‘yicha mutaxassislar o‘z ma’ruzalarini taqdim etib, ota-onalarni qiziqtirgan savollarga batafsil javoblar berishdi.
Yig‘ilish yakunida yangi tarkibdan iborat Ota-onalar kengashi saylanib olindi. Shuningdek, o‘qishda yuqori natijalarga erishgan talabalar va ularning ota-onalari fakultet rahbariyati tomonidan faxriy yorliqlar bilan taqdirlandi.
Tadbir o‘zaro fikr almashish, ota-onalar va ta’lim muassasasi o‘rtasidagi hamkorlikni mustahkamlash, shuningdek, talabalarning ta’lim va tarbiya jarayonida faol ishtirokini yanada kuchaytirish maqsadida o‘tkazildi.
