Kecha Tabiiy fanlar fakultetida “Mas’uliyatli ota-onalik” mavzusida davra suhbati tashkil etildi. Tadbirda universitet psixologi hamda fakultet professor-o‘qituvchilari, talabalar va ularning ota-onalari ishtirok etdilar.

Davra suhbatida ota-onalik mas’uliyati, farzand tarbiyasidagi zamonaviy yondashuvlar, oila muhitining shaxs kamolotiga ta’siri haqida fikr almashildi. Universitet psixologi oilada sog‘lom munosabatni shakllantirish, farzandning ichki dunyosini anglash va uni to‘g‘ri qo‘llab-quvvatlash usullari haqida tushuncha berdi.

Shuningdek, ota-onalarning farzandlar oldidagi burchi va mas’uliyati, ta’lim jarayonida ular bilan hamkorlikning ahamiyati haqida to‘xtalib o‘tildi. Talabalar esa o‘z navbatida ota-onalar bilan muloqotda ochiqlik va ishonchli munosabat muhimligini ta’kidladilar.

Tadbir ishtirokchilari bu kabi suhbatlar oilaviy tarbiya masalalarida jamoaviy hamkorlikni kuchaytirayotganini qayd etdilar. Suhbat yakunlanar ekan, ishtirokchilarga psixologik maslahatlar va tavsiyalar berildi.