O‘zbekiston Respublikasi Oliy ta’lim, fan va innovatsiyalar vazirligining 2025-yil 12-sentyabrdagi 3-son Hay’at qarorining 6.3-bandi ijrosini ta’minlash maqsadida 2025-yil 22-sentyabr kuni Jizzax davlat pedagogika universitetida “Korrupsiya – kelajakka tahdid” mavzusida startap loyihalar tanlovi o‘tkazildi.
Tanlovda turli fakultetlardan iqtidorli talabalar o‘z g‘oyalari bilan qatnashib, korrupsiyaga qarshi kurashish bo‘yicha innovatsion takliflarini taqdim etishdi.
Natijalarga ko‘ra:
-
Filologiya fakulteti talabasi Majidova Zebiniso – 1-o‘rinni egallab, 3 million so‘m pul mukofotiga sazovor bo‘ldi.
-
Filologiya fakulteti talabasi Olimjonov Hasan,Tarix fakulteti talabasi G‘iyosov Samandar – 2-o‘rinni egallab, 2 million so‘m bilan taqdirlanаdi.
-
Maktabgacha va boshlang‘ich ta’lim fakulteti talabasi Asatova Iroda hamda Filologiya fakulteti talabasi Baxtiboyeva Sevinch -– 3-o‘ringa munosib ko‘rildi va 1 million so‘m mukofotga ega bo‘ldi.
Tadbir yakunida g‘oliblar va ishtirokchilarga diplom hamda pul mukofotlari topshirildi.Mazkur tanlov yoshlarni korrupsiyaga qarshi kurashish ruhida tarbiyalash, ularning tashabbuskorligini qo‘llab-quvvatlash va jamiyatda halollik muhitini mustahkamlashga xizmat qiladi.
