Jizzax davlat pedagogika universitetida yakuniy nazorat imtihonlari jadal davom etmoqda.
Kunlik yakuniy nazorat turlari haqida ma’lumotlarni e’lon qilishda davom etamiz. Joriy yilning 20-yanvar kuni yakuniy nazorat jarayonlari jami 46 ta fan bo‘yicha tashkil etilgan bo‘lib, unda 2 999 nafar talaba ishtirok etishi rejalashtirilgan edi.
Nazoratlarda 2731 nafar talaba ishtirok etgan bo‘lib, ishtirok ko‘rsatkichi 91,1 foizni tashkil qildi. 268 nafar talaba turli sabablarga ko‘ra yakuniy nazoratlarda ishtirok etmadi. Shuningdek, 17 nafar talaba belgilangan tartibda chetlatildi.
Yakuniy nazorat jarayonida jami 63 ta nazorat ishi o‘tkazildi. Tekshirish natijalariga ko‘ra, 93 nafar talabaning ishlari qayta ko‘rib chiqish uchun tekshiruvga jalb etildi. Nazorat natijalari yuzasidan 24 ta apellyatsiya arizasi qabul qilindi.
Ayni paytga qadar 1948 nafar talabaning ballari tizimga kiritilgan bo‘lib, bu umumiy ko‘rsatkichning 65 foizini tashkil etmoqda. Qolgan natijalar belgilangan jadval asosida tizimga kiritilishi rejalashtirilgan.
