Jizzax davlat pedagogika universitetida 14-yanvar — “Vatan himoyachilari kuni” munosabati bilan o‘tkazilgan sport musobaqalari g‘oliblari hamda faxriy professor-o‘qituvchilarni taqdirlash marosimi bo‘lib o‘tdi. Tadbir universitetning kichik yig‘ilishlar zalida tashkil etildi.

Marosimda universitet rahbariyati, soha prorektorlari, sport musobaqalari g‘olib va sovrindorlari, jangchi faxriylar, zaxiradagi harbiylar, universitet Kasaba uyushmasi hamda Nuroniylar kengashi a’zolari ishtirok etdi.

Tadbirni Jizzax davlat pedagogika universiteti rektori maslahatchisi Qodirov G‘ayrat O‘roqboyevich ochib berib, Vatan himoyachilari kunining mazmun-mohiyati, yurtimiz tinchligi va xavfsizligini ta’minlashda harbiylar hamda faxriylarning o‘rni beqiyos ekanini ta’kidladi.

Marosim davomida 14-yanvar “Vatan himoyachilari kuni” munosabati bilan tashkil etilgan sport musobaqalari g‘oliblari, jangchi faxriylar va zaxiradagi harbiylar tantanali ravishda taqdirlandi.

Tadbir so‘nggida so‘z Jizzax davlat pedagogika universiteti Nuroniylar kengashi raisi, professor Hamidulla Abdullayevich Meliyevga berildi. U o‘z nutqida Vatan himoyachilarini bayram bilan qutlab, yosh avlodni vatanparvarlik ruhida tarbiyalashda bunday tadbirlarning ahamiyati katta ekanini ta’kidladi.