Dastlab universitet rektori O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy Attestatsiya Komissiyasi tomonidan ilmiy unvon bo‘yicha berilgan diplomlarni o‘z egalariga tantanali ravishda topshirdi. Shundan so‘ng Tabiiy fanlar fakulteti professori (v.b.) Sultonov Marat Mirzayevichni qutlug‘ 60 yoshga to‘lishi munosabati bilan qutladi. Universitet rektori o‘z so‘zida ta’lim-tarbiya va pedagogika sohasining jonkuyar targ‘ibotchisi Marat Sultonovning kimyo sohasida yaratgan darslik, o‘quv-uslubiy qo‘llanma va monografiyalari ilm fan rivojiga qo‘shgan hissasini alohida ta’kidladi.
Taqdirlash marosimi so‘ngida uzoq yillardan buyon kimyo sohasida malakali mutaxassislar tayyorlash borasida sidqidildan mehnat qilib kelayotgan jonkuyar va kamtarin ustozga universitet kasaba uyushmasi qo‘mitasi hamda rahbariyat tomonidan tayyorlangan esdalik sovg‘alari va diplom topshirildi.
