5–7 dekabr kunlari Amerika Qo‘shma Shtatlarining O‘zbekistondagi vakolatli elchixonasi hamda Amerika Kengashi tomonidan “Alumni Community” doirasida respublika hududiy vakillari uchun seminar-trening o‘tkazildi.
Tadbir davomida AQSH elchisi Jonatan Henik va “Alumni” jamiyatining AQSHdagi mas’ul xodimi Aleksandra xonim bilan uchrashuv tashkil etilib, O‘zbekistondagi “Alumni” jamoalarining yutuqlari va faoliyati yuzasidan fikr almashildi.
Seminar-treningda 2025 yilda erishilgan natijalar, mavjud kamchiliklar hamda 2026 yil uchun ustuvor rejalar muhokama qilindi. Ushbu tadbirda Jizzax viloyati koordinatori sifatida Jizzax davlat pedagogika universiteti dotsenti Bahritdinova Dildora O‘ktamovna faol ishtirok etdi. Trening yakunlariga ko‘ra “Jizzax Alumni Community” uchun 2026 yilga mo‘ljallangan yangi dastur va tadbirlar rejalari ishlab chiqildi.
