Mehrjon — kuzgi teng kunlikda kuz bayrami sifatida o‘tkaziladigan bayramdir. Bugun Jizzax davlat pedagogika universiteti talabalari xalqimiz  tabiatidagi bag‘rikenglik,   mehmondo‘stlik,  mehr-shafqat, saxovatlilik kabi  go‘zal fazilatlarni o‘zida mujassam ettirgan ushbu bayramni keng nishonlashdi.

Tabiatning bizga bergan inomlari juda ham bisyor. Ulardan oqilona foydalanishimiz, tabiatga do‘stona munosabatda bo‘lishimiz biz uchun ham farz, ham kelajak avlod oldidagi qarzimizdir. Ingliz tili amaliy kursi kafedrasi o‘qituvchilari, fakultetning 2-bosqich talabalari tashabbusi bilan o‘tkazilgan tadbirda talabalarning qo‘l mehnati bilan tayyorlangan tansiq taomlar barchaning e’tiboriga havola etildi.