O‘sib kelayotgan yosh avlodning har tomonlama ma’nan va jismonan chuqur aqliy bilimga ega bo‘lishlari uchun yurtimizda barcha qulay imkoniyatlar yaratib berilgan. Yoshlarimizning ushbu imkoniyatlardan unumli foydalangan holda vatanparvarlik ruhida kamol topib, kasb tanlashda adashmasdan, dunyoviy bilimlarni to‘liq o‘zlashtirishlarida esa, ustozlarning ham o‘rni beqiyos.
Shu ma’noda, Maktab va Oliy ta’lim hamkorligi doirasida Boshlang‘ich ta’lim fakultetiga biriktirilgan Jizzax shahar 24-sonli maktab yuqori sinf o‘quvchilarining universitet bo‘ylab tanishuv ekskursiyasi tashkil etildi.
Tadbir davomida, o‘quvchi yoshlarning universitetda yaratilgan sharoitlar va faoliyati bilan tanishishlari uchun oliygoh bo‘ylab sayohat tashkil etilib, talaba yoshlar uchun yaratilgan imkoniyatlar to‘g‘risida batafsil ma’lumotlar berildi.
