Tadbir universitetning ilmiy ishlar va innovatsiyalar bo‘yicha prorektori A.Jabbarova hamda Ilmiy tadqiqotlar, innovatsiyalar va ilmiy-pedagog kadrlar tayyorlash bo‘limi boshlig‘i N.Xonto‘rayev tomonidan olib borildi.

Yig‘ilish davomida 3-bosqich doktorantlarning doktorlik dissertatsiyasi bo‘yicha tayyorgarlik darajasi va himoya ko‘rsatkichlari yakka tartibda tanqidiy tahlil qilindi.

Ma’lumot uchun, hozirgi kunda universitetda 3-bosqichda tahsil olayotgan doktorantlar soni 20 nafarni tashkil etadi. Ulardan:

• 1 nafar doktorant dissertatsiyasini muddatidan oldin muvaffaqiyatli himoya qilgan;

• 4 nafar doktorant Ilmiy darajalar beruvchi Kengash qoshidagi ilmiy seminarida muvaffaqiyatli ishtirok etgan;

• 5 nafar doktorant doktorlik dissertatsiyasining kafedra muhokamasidan o‘tgani ma’lum qilindi.

Yig‘ilish yakunida doktorantlarning tayyorgarlik darajasini muntazam va tizimli ravishda tahlil qilib borish, ularning ilmiy ishlarini baholashni kuchaytirish zarurligi ta’kidlab o‘tildi.