Jizzax davlat pedagogika universiteti Filologiya fakulteti O‘zbek tili va adabiyoti yo‘nalishining bir guruh iqtidorli talabalari amaliyot va ilmiy izlanishlar doirasida Turkiya Respublikasining Karaman shahrida joylashgan Karamanoğlu Mehmetbey Universitetida 2025-yil 3–9-noyabr kunlari bo‘lib o‘tayotgan xalqaro “Startap” loyihasida ishtirok etmoqda.
Mazkur loyiha talabalarning innovatsion fikrlashini rivojlantirish, amaliy ko‘nikmalarini mustahkamlash va xalqaro tajriba almashish imkoniyatlarini kengaytirishga xizmat qilmoqda. Ta’kidlash joizki, Jizzax davlat pedagogika universiteti tarixida ilk marotaba talabalar bunday yirik xalqaro startap dasturida ishtirokchi sifatida qatnashmoqdalar.
Ayni paytda Turkiyada bo‘lib turgan JDPU talabalari universitet rektori Maqsudjon Abdullayevichga ko‘rsatgan amaliy yordami va qo‘llab-quvvatlovi uchun o‘z minnatdorchiliklarini izhor etdilar.
Ushbu xalqaro tashabbus JDPU talabalari uchun yangi tajriba maktabi bo‘lib, universitetning global ta’lim maydonidagi nufuzini yanada oshirishga xizmat qiladi.
