1–2-noyabr kunlari Jizzax davlat pedagogika universitetidan yana bir guruh — professor-o‘qituvchilar va xodimlar navbatdagi sayohatga yo‘l olishdi. An’anaga aylanib ulgurgan bu sayohat bu gal ham tabiatning go‘zal mo‘jizasi — Zomin tog‘lariga bo‘ldi.

Dam oluvchilar Zomin milliy tabiat bog‘i hududidagi tog‘ havosidan bahra olishdi, osma ko‘prik va dor yo‘li kabi diqqatga sazovor joylarni tomosha qilishdi. Ot minib tog‘larga chiqishdi.Tabiatning go‘zalligi, sof havo va yuqori kayfiyat ishtirokchilarga cheksiz zavq bag‘ishladi.

Bu sayohatlar JDPU rahbariyati, xususan universitet rektori Maqsudjon Abdullayevichning tashabbusi bilan yo‘lga qo‘yilgan bo‘lib, ular jamoa ichidagi do‘stona muhitni mustahkamlash, o‘zaro iliq munosabatlarni rivojlantirish hamda xodimlarning mehnat unumdorligini oshirishga xizmat qilmoqda.

Zomin tog‘laridagi bu go‘zal lahzalar sayohat ishtirokchilarning xotirasidan uzoq vaqt chiqmasligi shubhasiz.