Fizika va texnologik ta’lim fakultetida “Universitetda 2025–2026 o‘quv yilida ‘4+2’ tartibidagi va boshqa turdagi amaliyotlarning tashkil etilishi to‘g‘risida” mavzusida seminar-trening bo‘lib o‘tdi.

Tadbir davomida “4+2” tartibi asosida amaliyot o‘tashning mexanizmlari, nazariy va amaliy bilimlarni uyg‘unlashtirish, amaliyot jarayonida talaba, amaliyot rahbari va ta’lim tashkiloti o‘rtasidagi o‘zaro hamkorlik masalalari batafsil ko‘rib chiqildi. Shuningdek, talaba amaliyotini tashkil etishdagi roli, hamkor ta’lim muassasalari bilan hamkorlik va monitoring tizimini takomillashtirish bo‘yicha fikr-mulohazalar bildirildi.

Seminar yakunida fakultet rahbariyati, kafedra mas’ullari va amaliyot o‘tkaziladigan ta’lim muassasalari o‘rtasidagi hamkorlikni yanada kengaytirish, amaliyot samaradorligini oshirishga qaratilgan yangi yo‘nalishlar belgilab olindi.