2025-yil 3-iyun kuni Jizzax davlat pedagogika universitetida Xotin-qizlar maslahat kengashi tashabbusi bilan “Farovon oila sari” shiori ostida universitet pedagog-xodimlari va ularning oila a’zolari o‘rtasida tashkil etilgan tanlovning yakuniy bosqichi bo‘lib o‘tdi.

Ushbu bosqichda ishtirokchi oilalar quyidagi shartlar bo‘yicha o‘zaro bellashdilar:

1️⃣ “Oila kvesti” – qiziqarli savollar va topshiriqlar orqali a’zolarning bilim va tafakkurlari sinovdan o‘tkazildi;
2️⃣ “Sevgan ovqat (salat)ni birgalikda tayyorlash” – ishtirokchilar oilaviy hamjihatlikda o‘zlariga xos taomni tayyorlashdi;
3️⃣ “Borligingiz uchun rahmat!” – oila a’zolari bir-birlariga samimiy minnatdorchilik izhor etdilar.

Tanlov yakunida quyidagi oilalar g‘olib deb topildi: Qo‘shmurodovlar oilasi – O‘zbek tili va adabiyoti fakulteti vakillari,
Honimqulovlar oilasi – Matematika va informatika fakulteti vakillari.G‘oliblar Xotin-qizlar maslahat kengashi tomonidan diplomlar va esdalik sovg‘alari bilan taqdirlandilar.

Ushbu tanlov universitetda sog‘lom oilaviy muhitni mustahkamlash, oila qadriyatlarini targ‘ib qilish hamda pedagog-xodimlar o‘rtasida o‘zaro do‘stona munosabatlarni kuchaytirishga xizmat qildi.