Jizzax davlat pedagogika instituti tomonidan viloyatdagi 16 ta chegaroldi mahallalari bilan hamkorlik aloqalari natijasida tashkil etilayotgan ma’naviy-ma’rifiy tadbirlar va to‘garaklar mahalla ahli va yoshlarining bo‘sh vaqtini mazmunli tashkil etish va kasb-hunar o‘rganishlari uchun ayni muddao bo‘lmoqda. Navbatadagi tashrif Zomin tumani Dashtobod shaharchasidagi “Baxt” mahallasiga bo‘ldi. Institut tashabbusi bilan bu erda “Pedagogik va psixologik xizmat ko‘rsatish, inklyuziv va korreksion ta’lim ilmiy-tadqiqot ” markazi ochildi.
Mahalla va OTM hamkorligi natijasida Jizzax viloyatidagi oliygohga biriktirlgan mahallalarda yoshlarni kasbga o‘rgatish, bilim va ko‘nikmalari hamda ularning qiziqishlaridan kelib chiqib chet tillari, IT-texnologiyalari, Matematika fani bo‘yicha, sport va badiiy ijodkorlik bo‘yicha to‘garaklar tashkil etilgan. YOshlarini sportga bo‘lgan qiziqishlarini qo‘llab-quvvatlash va rag‘batlantirish, ular orasida sportni ommaviylashtirish hamda sog‘lom turmush tarzini shaklantirish uchun ham turli sport to‘garakalarini tashkil etish bilan birgalikda musobaqlar ham doimiy ravishda o‘tkazilmoqda. Dashtobod shaxarchasidagi “Baxt” MFY da hududidagi 25- umumta’lim maktabida “Pedagogik va psixologik xizmat ko‘rsatish, inklyuziv va korreksion ta’lim ilmiy-tadqiqot ” markazini tashkil etishdan maqsad mahalla ahliga xususan ayollarga va yoshlarga psixologik yordam ko‘rsatish. Bu markazda institutning malakali mutaxassis psixologlari ish olib borishadi, murojaat qilgan shaxsning muammolari o‘rganiladi, ularga to‘g‘ri maslahatlar beriladi. SHuningdek bu markaz oilaviy mojarolar tufayli ruhiy tushkunlik, stressda bo‘lgan ayollar, yoshlar, o‘quvchilar bilan kerakli muolajalarni olib borib, ularning turmushini izga solish uchun xizmat qiladi.
“ O‘ylaymanki, tashkil qilingan ushbu markaz xodimlari mahalla ahliga yaqin sirdosh, o‘quvchi-yoshlarga do‘st sifatida suhbatlar o‘tkazishadi. Lozim bo‘lsa maktab o‘qituvchilarga metodik yordamlarni ko‘rsatishadi. Kelajakda mana shunday markazni har bir bizga biriktirilgan mahallallarda ochish niyatimiz bor. Ta’kidlash joiz hamkorlik doirasida biz asosiy e’tiborni maktab bitiruvchilarni oliy ta’lim muassasalariga o‘qishga kirishlari uchun ko‘maklashish va kasbga o‘rgatishga, ikkinchi tomondan, quyi sinflarda tahsil olayotgan o‘quvchilarni qiziqishlariga qarab kasb-hunar, san’at turlariga yo‘naltirishga, iste’dodlarini yuzaga chiqarishga qaratdik. Natijada aynan past ko‘rsatkichli maktab bitiruvchilarning 50 % oliy ta’lim muassasalari talabalari bo‘lish baxtiga muyassar bo‘lishdi. Hamkorlikda ijobiy natija ko‘p, bir so‘z bilan aytganda biz yoshlarimizni kelajakda to‘g‘ri yo‘lni tanlashlariga yordam qilishimiz darkor ” –deydi institut rektori SH.SHaripov
Pedagogika psixologiya fakulteti talabalari tomonidan tayyorlangan psixolgik -trening mashg‘ulotlari maktab o‘quvchilarida katta qiziqish uyg‘otgan bo‘lsa, iqtidorli talabalarning musiqiy chiqishlari, badiiy dastur, xususan “Talabalar teatr studiyasi “ ijodkorlarining “Odamfurush” daramasi yig‘ilganlarda chuqur taasssurot qoldirdi.
Jizzax davlat pedagogika instituti axborot xizmati
