Universitetda ijodkor talaba yoshlarning auditoriyadan tashqari faoliyatini maqsadli va unumli tashkil etish maqsadida tashkil etilgan «Cholg‘uchilik ansambli» Talabalar orkestri to‘garagi joriy o‘quv yilidagi ilk hisobot konsertini namoyish etdi.
Orkestr rahbari Muslim Abilov boshchiligida birinchi konsert dasturida 18 ta repertuar namoyish etildi.
Orkestr repertuarlari o‘zbek va jahon kompozitorlarining mashhur asarlari, mashhur kinofilmlardan saundtreklar va xalq kuylari asosida yaratilgan popurrilardan tuzilganligi hamda milliylikni targ‘ib etuvchi, vatanparvarlik ruhi bilan sug‘orilgan kuy – qo‘shiqlardan iboratligi bilan ham ahamiyatlidir.
