Jizzax viloyati hokimligi ishchi guruhi hamda jamoatchilik vakillari ishtirokida Jizzax davlat pedagogika universitetida o‘rganish ishlari olib borildi.
O‘rganish davomida universitetdagi o‘quv auditoriyalari, talabalar uchun yaratilgan shart-sharoitlar, talabalar turar joylari hamda ulardagi mavjud imkoniyatlar ko‘zdan kechirildi. Shuningdek, sport binolari, sport zallari va maydonlarining holati, talabalarning bo‘sh vaqtini mazmunli tashkil etish uchun yaratilgan sharoitlarga alohida e’tibor qaratildi.
Jarayonda O‘zbekiston yoshlar ittifoqining universitetdagi boshlang‘ich tashkiloti faoliyati, uning ish jarayoni hamda yoshlar bilan olib borilayotgan ishlar ham o‘rganildi.
O‘rganish yakunida mavjud imkoniyatlardan samarali foydalanish, aniqlangan masalalarni bartaraf etish va yangi o‘quv yilini yuqori saviyada tashkil etish yuzasidan tegishli tavsiyalar berildi.
