«Gender tenglikni ta’minlash va zo‘ravonlikka qarshi kurashish» mavzusida seminar-trening bo‘lib o‘tdi.

JDPU Tabiiy fanlar fakultetida xotin-qizlar maslahat kengashi, Jizzax viloyat «Qalb nuri» markazi, «Milliy tiklanish» partiyasi Jizzax viloyat bo‘limi bilan hamkorlikda «Gender tenglikni ta’minlash va zo‘ravonlikka qarshi kurashish» mavzusida seminar-trening bo‘lib o‘tdi.

Tadbirda Jizzax viloyat «Qalb nuri» markazi rahbari N.Alimova, «Milliy tiklanish» partiyasi Jizzax viloyat bo‘limi mutaxassisi R.Yunusova, Xotin-qizlar maslahat kengashi raisi Z.Kasimovalar gender nima, gender tengligi haqida tushunchalar berib, mamlakatimizda gender zo‘ravonligiga qarshi kurash borasida olib borilayotgan ishlar va chora-tadbirlar, gender va zo‘ravonlik muammolari o‘rtasidagi bog‘liqlik haqida ma’ruzalar qilishdi.

Shuningdek, seminarda zo‘ravonlik va gender tengligi muammosini ijtimoiy sheriklikda bartaraf etish, gender tenglik hamda gender va zo‘ravonlikka oid qonunchilik bazasi haqida ham ma’lumotlar berildi.

Seminar o‘zaro fikr va mulohazalar, qiziqarli savol javoblarga boy tarzda o‘tdi. Ishtirokchilar o‘zlarini qiziqtirgan savollarga javoblar olishdi. Tadbir yakunida ishtirokchilarga «Qalb nuri» markazi mutaxassislari tomonidan mavzuga doir ma’lumotlarga boy bukletlar tarqatildi.