Bugun mamlakatimizda jismoniy tarbiya va sportning ommaviyligini oshirish, yosh avlod vakillarini sportga jalb etish borasida bir qator ijobiy o‘zgarishlar amalga oshirilmoqda.

Jizzax davlat pedagogika universitetida 8-dekabr O‘zbekiston Respublikasi Konstitutsiyasi kuni arafasida foydalanishga topshirilgan zamonaviy yopiq suzish havzasi fikrimizning yorqin dalilidir.

Bayramga munosib tuhfa bo‘lgan, universitetda loyiha qiymati 3.07  milliard so‘m hisobiga qurib bitkazilgan mazkur inshoot professor-o‘qituvchilar va talaba yoshlar ixtiyoriga beriladi. Bu yerda 27 x 9 metr o‘lchamdagi suzish havzasi, murabbiylar va shug‘ullanuvchilar uchun yuvinish, kiyinish, tibbiyot va dezinfeksiya qilish uchun maxsus xonalar mavjud.

Faxriy ustozlar va  talaba yoshlar, davlat va jamoat tashkilotlari vakillari, yosh sportchilarning ota-onalari yangi sport inshooti, unda yaratilgan sharoitlar bilan yaqindan tanishib  chiqishdi.