Skip to main content

Ishonch telefoni: +(99872) 226 68 10

3+1 qo'shma ta'lim dasturi

Belarus davlat pedagogika universiteti bilan qo'shma ta'lim dasturiga marhamat!

Konstitutsiya asosiy qonunimiz!

8-dekabr — O‘zbekiston Respublikasi Konstitutsiyasi kuni

Yuksak vatanparvarlik tuyg‘usi aks etgan qasida!

10-dekabr — O‘zbekiston Respublikasi Davlat madhiyasi qabul qilingan kun

Yangi yil — yangi marralar sari imkoniyat!

Kirib kelayotgan yangi 2024-yilingiz muborak bo’lsin!

Xotira muqaddas – inson qadri aziz!

9-may — Xotira va qadrlash kuni

JDPU 50 yoshda!

Jizzax davlat pedagogika universitetining 50 yoshlik yubileyi muborak bo‘lsin!

“Yoshlar o‘rtasida giyohvandlik vositalarining tarqalishiga qarshi kurash” mavzusida seminar o‘tkazildi.

Insoniyat taraqqiyotning yangi cho‘qqilarini zabt etmoqda. Biroq jahonda xalqlar, millatlar kelajagiga tahdid tug‘diruvchi bir qancha omillar hamon saqlanib qolayapti. Bugungi kunda dunyo jamoatchiligini tashvishga solayotgan ana shunday masalalardan biri giyohvandlik balosidir. Bejiz unga asr vabosi, umr zavoli, ajal to‘ri, deb ta’rif berishmaydi. Ushbu xatar gepatit, VICh/OITS, sil, tanosil hamda ruhiy kasalliklar, qing‘ir ishlar sodir etilishiga sabab bo‘ladi, mamlakatning moddiy-texnik, intellektual salohiyatini pasaytiradi. Ayni chog‘da mamlakatimizda  bir qator huquqiy hujjatlar ijrosi doirasida aholi, ayniqsa, ota-onalar, yoshlar o‘rtasida keng miqyosli amaliy, profilaktik chora-tadbirlar amalga oshirib kelinayapti. Qolaversa, ta’lim muassasalarida davra suhbatlari, seminarlar, uchrashuvlar o‘tkazish an’anasi yo‘lga qo‘yilgan. Jizzax davlat pedagogika isntituti Madaniyat saroyida talaba yoshlar ishtirokida o‘tkazilgan “Yoshlar o‘rtasida giyohvandlik vositalarining tarqalishiga qarshi kurash” va “Giyohvandlik-asr vabosi” mavzusidagi seminar ana shu an’ananing davomi desak xato qilmagan bo‘lamiz.   Tadbirda  professor-o‘qituvchilari, talaba yoshlar bilan bir qatorda  Jizzax viloyati hokimligi, Ichki ishlar boshqarmasi, Yoshlar ishlari agentligi viloyat boshqarmasi vakillari, OITS markazi hamda Narkologiya shifokorlari shtirok etdilar. Tadbirni Yoshlar  masalalari va ma’naviy-ma’rifiy  ishlash bo‘yicha prorektor S.Nazarqosimov ochib berib, giyohvandlik va uning ayanchli oqibatlari, bu to‘rga adashib ilinib qolishdan doimo ogoh bo‘lish zarurligi to‘g‘risida gapirib o‘tdi. Shuningdek,  tadbirda  so‘zga chiqqanlar giyohvandlik oqibatida, yakuni o‘lim bilan tugaydigan kasalliklar,  narkomaniyaning yoshlar hayotiga xavf solishiga qarshi kurashish, bu ishga barchani jalb etish, «Biz sog‘lom turmush tarzi tarafdorimiz” kabi shiorni barchaning hayotida ajralmas qismiga aylantirishda keng ko‘lamli ishlarni davom  ettirish va yanada rivojlantirish uchun  ma’sul ekanligimizni ta’kidlab o‘tdilar.   — Har qanday kasallikning oldini olish uchun, avvalo, organizmda unga qarshi immunitet hocil qilinishi darkor, — deydi  Yoshlar  masalalari va ma’naviy-ma’rifiy  ishlash bo‘yicha prorektor S.Nazarqosimov — Demak, giyohvandlikka qarshi kurashish, aholi, ayniqsa, yoshlarni bu balodan asrash uchun targ‘ibot-tashviqot ishlari samaradorligini yanada oshirish muhimdir. Ushbu tadbir ham ana shu maqsadga qaratilgan. Unda sohada olib borilayotgan ishlar haqida atroflicha ma’lumot berilib, mavzuga doir hujjatli film namoyish etildi.