Jabborov Sherzod Xoliqulovich. Dotsent, filologiya fanlari bo‘yicha falsafa doktori. «Iste’dod» Prezident jamg‘armasi g‘olibi.

Hayotiy tamoyili: «Tinimsiz mehnat, harakat, qiyinchiliklar va sinovlar bizni o‘z maqsadlarimiz sari yetaklashi mumkin.»

JDPU haqida: «Yangilik qilishga intilish – bu yuksak maqsadlar sari yo‘l olishdir. Har bir yangi fikr, har bir yangi g‘oya, bizni muammolarni yechishga va o‘zimizni rivojlantirishga yaqinlashtiradi.»

Abdulla Qodiriy nomli Jizzax davlat pedagogika universiteti mamlakatimiz ta’lim rivoji uchun muhim ahamiyat kasb etadigan OTMdir. Uning tarixiga nazar tashlaydigan bo‘lsak, 1974 yili 400 nafar talabani o‘z bag‘riga olgan bo‘lsa, hozirgi kunda 20 000 dan ziyod talabalar uchun ta’lim tarbiya berayotgan ulkan maskanga aylandi. Universitet yuqori malakali pedagog kadrlari tayyorlash orqali, mamlakatning ta’lim siyosatiga o‘z hissasini qo‘shib kelmoqda. Zamonaviy ta’lim tizimidagi o‘zgarishlar, talablarning ortishi va yangi pedagogik yondashuvlar, zamonaviy jihozlar, texnologiyalarning ta’lim jarayoniga singdirilishi universitetning keyingi rivojlanishini belgilaydi. Hozirgi kunda universitetda ta’lim sifatini oshirish maqsadida amalga oshayotgan ishlar, jumladan: universitetga xorijiy mutaxassislarning jalb qilinishi, universitet professor-o‘qituvchilarini xorijning yetakchi universitetlarida malaka oshirishlari va stajirovka o‘tab kelishlari uchun yaratilayotgan imkoniyatlari va amalga oshirayotgan ishlari mamlakatimizning aksar universitetlariga qaraganda ilgarilab ketganligini birgina Xorijiy tillar fakulteti misolida ham ko‘rishimiz mumkin. Qisqa qilib aytganda Jizzax davlat pedagogika universiteti ta’lim va tarbiya uchun yangi ufqlarni ochishga tayyor, bu esa xavfsiz va barqaror kelajakni yaratilishiga xizmat qiladi.